| اس کی آنکھوں پر جو ہالے پڑ گئے |
| اس کے پیچھے ، غم جو پالے ، پڑ گئے |
| ہم تو گرویدہ ہوئے اس حسن کے |
| آنکھ میں دشمن کی جالے پڑ گئے |
| بے تکلّف آ گئے تھے اس کے در |
| جو جہاں پر اس نے ڈالے ، پڑ گئے |
| چل پڑے تھے کہکشاؤں کی طرف |
| دودھیا رستے پہ چھالے پڑ گئے |
| ڈوبنے سے کیا بچاتے وہ ہمیں |
| جان کے ان کو ہی لالے پڑ گئے |
| کچھ تو کرتے بات وہ انصاف کی |
| کیوں زباں پر سب کی تالے پڑ گئے |
| جھوٹ پر پلتے رہے جو عمر بھر |
| ان کے اب سچوں سے پالے پڑ گئے |
| جب ہوئے ظاہر عمل ، ان کے گلے |
| ان کے ہی کرتوت کالے پڑ گئے |
| بات کیا سنتے ، سماعت کے لئے |
| کان میں ان کے ہیں آلے پڑ گئے |
| وہ سزا دیتا ہمیں ، پر راہ میں |
| جو کئے ہم نے تھے نالے ، پڑ گئے |
| کیا مبارک تھا سفر طارق جہاں |
| لے کے پتھر پیچھے بالے پڑ گئے |
معلومات