| ہم سے کیوں تم کو بد گمانی ہے |
| بس ذرا تم سے چھیڑ خانی ہے |
| ہاتھ میں جام ارغوانی ہے |
| اور طبیعت میں بھی روانی ہے |
| دل میں جو سوز اک نہانی ہے |
| اس کی اپنی ہی اک کہانی ہے |
| تم نے کب دل کی قدر جانی ہے |
| ہو شکایت تو بے معانی ہے |
| کتنا ہی بحر میں طلاطم ہو |
| آخرش تو اترتا پانی ہے |
| آپ کے پاس وقت ہے تھوڑا |
| میری لمبی بہت کہانی ہے |
| عشق آتا تھا کب ہمیں کرنا |
| آپ کی سب یہ مہربانی ہے |
| زخم ہر اس دلِ شکستہ کا |
| حسن والوں کی اک نشانی ہے |
| مشورہ ہے یہ دوستوں کے لۓ |
| ہاتھ دھو لیں کہ بہتا پانی ہے |
| جتنا لمبا حیات کا ہے سفر |
| مختصر اتنی زندگانی ہے |
| ہم کو بھی آپ سے گلہ ہے اگر |
| آپ کو ہم سے سرگرانی ہے |
| دل کو لگتا ہے تو لگے دھڑ کا |
| آج تقدیر آزمانی ہے |
| سانس لینے کی بھی نہیں طاقت |
| ناتوانی سی نا توانی ہے |
| کیوں سنوں بات میں بھی پھر دل کی |
| دل نے کب بات میری مانی ہے |
| کل ملا تھا تپاک سے جو بہت |
| آج وہ شخص آنجہانی ہے |
معلومات