| دل میں اک درد کی لذّت کے سوا کچھ بھی نہیں |
| اور چہرے پہ بجھارت کے سوا کچھ بھی نہیں |
| سرِمقتل وہ جو خود چل کے گیا ہے لوگو |
| جُرم اس کا تو محبّت کے سوا کچھ بھی نہیں |
| ہم عبث کہتے رہے تیرے لئے جیتے ہیں |
| زندگی تیری عنایت کے سوا کچھ بھی نہیں |
| اُس نے تیرے لئے تسخیر کیا دنیا کو |
| اور ترے پاس شکایت کے سوا کچھ بھی نہیں |
| وہ جو تاریخ سے دیتا ہے مثالیں تو کہو |
| داستاں ہے یہ حکایت کے سوا کچھ بھی نہیں |
| چھوڑ کر دنیا یہ دولت تو ملا کرتی ہے |
| تم جو کہتے ہو ولایت کے سوا کچھ بھی نہیں |
| میں نے سوچا تھا محبّت بھی ملے گی طارق |
| پر ترے پاس ریاضت کے سوا کچھ بھی نہیں |
معلومات