| قسمت نہ ہو تو کوئی بھی نعمت نہیں ملتی |
| مانگے سے کسی کو کبھی جنت نہیں ملتی |
| نفرت یہاں اتنی ہے کہ اپنے گلہ کاٹیں |
| پر پیار میں اتنی یہاں شدت نہیں ملتی |
| دینے کو بس اک ہاتھ ہے لینے کو ہزاروں |
| اس شہر کے لوگوں سے رعایت نہیں ملتی |
| دو وقت کی روٹی کو میں مصروف ہوں اتنا |
| خود سے مجھے ملنے کی بھی مہلت نہیں ملتی |
| دن بھر کی غلامی کا صلہ چند سکوں میں |
| مجھ کو یہاں محنت کی بھی قیمت نہیں ملتی |
| میں خانہ بدوشوں کے قبیلے میں پلا ہوں |
| اس شہر کے لوگوں سے طبیعت نہیں ملتی |
معلومات