| اپنی انا میں رہتے ہیں ہم گوشہ گیر لوگ |
| کچھ لوگ کہتے ہیں ہمیں مردہ ضمیر لوگ |
| گزرے شریف زادی کہاں سے بتا ئیے |
| بیٹھے ہیں اس کی تاک میں کتنے شریر لوگ |
| عبدالحمیدؔ کہتے ہیں لازم ہے احتیاط |
| ہوتے ہیں آج کل یہاں منکر نکیر لوگ |
| پیغام و اطلاع رسانی کے واسطے |
| ژولیدگی اٹھاتے ہیں کتنی سفیر لوگ |
| ہر سمت شہر میں ہیں یہ کیسی اداسیاں |
| پڑھنے لگے ہیں غالباً دیوانِ میرؔ لوگ |
| روشن شبِ حیات تھی جن سے جنابِ دل |
| آخر کہاں چلے گئے وہ دل پذیر لوگ |
| حسانؔ اب سنبھل کے اٹھانا ہر اک قدم |
| اب زندگی سے جا چکے سب دست گیر لوگ |
معلومات