| تذکرے آل محمد کے جہاں ہونے لگے |
| عرش والے سب جمع آکے وہاں ہونے لگے |
| فرشِ محفل پر فضائل جب بیاں ہونے لگے |
| ہم زمیں پر رفتہ رفتہ آسماں ہونے لگے |
| ذکر حیدر میں سدا دوہرا اثر پایا گیا |
| کچھ ہوئے شاداب کچھ چہرے دھواں ہونے لگے |
| جب کہا ہم نے ولایت کی گواہی فرض ہے |
| تھے جو اپنے وہ بھی ہم سے بد گماں ہونے لگے |
| اہل باطل جب یہ سمجھے دب گئی حق کی صدا |
| اکے شه گویا سرِ نوکِ سناں ہونے لگے |
| شاہ کی تحریر کو جب پڑھ چکی چشمِ حبیب |
| نصرت شبیرؑ کے جذبے جواں ہونے لگے |
| ہم محاذ حق پہ تھے مصروف دشمن سے ادھر |
| وار دشمن کے ہمارے درمیان ہونے لگے |
معلومات