| چراغ اپنی وفا کے جلا کے جاؤں گا |
| میں خون اپنے جگر کا بہا کے جاؤں گا |
| میں ڈھونڈنے اسے شہرِ سبا کو جاؤں گا |
| میں ابنِ قیس ہوں سب کچھ لٹا کے جاؤں گا |
| میں تخت کیسے منگاؤں میں کوئی شاہ نہیں |
| فقیرِ شہر ہوں خود کو مٹا کے جاؤں گا |
| نہ میں سکندرِ اعظم کہ لوگ جھک جائیں |
| میں اس کے شہر میں سر کو جھکا کے جاؤں گا |
| کٹھن سفر ہے مگر ہارنا نہیں سیکھا |
| میں کشتیاں سبھی اپنی جلا کے جاؤں گا |
| میں اس کے عشق میں منصور ہو گیا شاہد |
| چلا تو جاؤں گا پر سر کٹا کے جاؤں گا |
معلومات