| گلدستہِ اذاں پر اک نو جواں کھڑا ہے |
| اک آس ڈوبتی ہے اک باپ نوحہ خواں ہے |
| یہ وہ جواں ہے جو ہے ہم شیر کا سہارا |
| مادر کے دل کا محور تسکیں کا استعارا |
| اب یہ چراغِ ہستی گل جو کہ ہو رہا ہے |
| اس نو جواں کے دم سے ہے زندگی کا مقصد |
| بعد اس جری کے ہوگا کیا زندگی کا مقصد |
| غم میں بجھی ہوئی یہ اک باپ کی صدا ہے |
| لو کر رہے ہیں اکبر اب ابتدا اذاں کی |
| احمد کی روح پر ہو صلوات کبریا کی |
| اللہ منتظر ہے جس کا یہ وہ اذاں ہے |
| کربل میں ہو رہی ہے یہ رونما قیامت |
| یثرب میں ٹوٹتی ہے صغرہ کے دل کی حاجت |
| رکتی ہیں اس کی سانسیں دل اس کا بیٹھتا ہے |
| صغرہ بھی سن رہی ہے آواز اس اذاں کی |
| ہے بوجھ دل پہ ایسا جیسے انی سنا کی |
| بھائی کی یاد میں وہ بیمار نیم جاں ہے |
| اک وہم دل میں بیٹھا ہے اس طرح سے یارب |
| اک خواب دیکھتی ہوں سوتی ہوں رات میں جب |
| اک نو جواں کے دل میں برچھی ہے یا سنا ہے |
| دینے لگے گواہی احمد کی جب کہ اکبر |
| چھوڑی لحد نبی نے برپا ہوا تھا محشر |
| قدرت میں اک طلاطم اس بات سے بپا ہے |
| سنتی رہی ہے صغرہ آذاں ہوئی مکمل |
| اکبر کی یاد میں ہے وہ موت پر بھی مائل |
| گویا کہ اس کے دل میں اک فرد مر گیا ہے |
| صغرہ تو مرگئی ہے یادِ پدر کی دھن میں |
| میت تیار رکھی ہے نخلِ پنجتن میں |
| اکبر نے جو کہی ہے میت کی یہ اذاں ہے |
| بس اب کہ اس قلم میں طاقت نہیں ہے حیدر |
| جرئت ہے یہ کسی میں ہو ان غموں کا یاور |
| ہر آنکھ نم ہوئی ہے خدمت کا یہ صلا ہے |
معلومات