| یہ انجمن ہے اُن کی سینہ سجا رہے ہیں |
| کچھ فرطِ عشق والے آنسو بہا رہے ہیں |
| دیکھا ہے دل فروزاں سرکار کے ذکر سے |
| باراں جو اس پہ نوری، فاراں سے آ رہے ہیں |
| نغمہ جہانِ کن میں توصیفِ مصطفیٰ ہے |
| کونین لطفِ جاں پر قربان جا رہے ہیں |
| شمس و قمر فلک پر اُن کے کہیں قصیدے |
| کروبیاں ثنائے دلدار گا رہے ہیں |
| اُن کے غلام سارے بھیجیں درود اُن پر |
| دلدار مصطفیٰ ہیں خوشیاں منا رہے ہیں |
| یادِ نبی سے نامہ اپنا کریں درخشاں |
| یہ مستعار لمحے تیزی سے جا رہے ہیں |
| امت پہ مصطفیٰ کی رحمت ہے یہ خدا سے |
| سرکار بگڑے طالع جیسے بنا رہے ہیں |
| ہے دست بستہ عرضی محمود! کی یہ ہادی |
| روشن مدینے میں کب آقا بلا رہے ہیں |
معلومات