| جس نےؓ نانا جانؐ کی پائی محبت کو سلام |
| جو نواسہؓ پر عطا، اس دست شفقت کو سلام |
| مرتضیؓ کے شیر کی ہے عرش عظمت کو سلام |
| فاطمہؓ کے لاڈلے کی بام رفعت کو سلام |
| چاند و سورج، عرش ہو یا فرش سب ماتم کناں |
| اعلی و کبری کربلا کی اس شہادت کو سلام |
| خوشنما حسنین ؓ کی صورت چمن میں گل کھلے |
| خلد کے سارے جوانوں کی قیادت کو سلام |
| والدہؓ محشر میں بن جائے گی خاتون بہشت |
| آپؐ ہیں مولی علیؓ سے اس بشارت کو سلام |
| ظلم و استبداد کا کیسے کیا ڈٹ کر دفاع |
| عزم و استقلال، پامردی، شجاعت کو سلام |
| شائبہ دنیا سے رغبت کا نہ کچھ ناصؔر رہا |
| راہ حق پر جاں لٹانے کی عقیدت کو سلام |
معلومات