| جی چاہتا ہے خوب سے میں خوب تر کہوں |
| بحرِ طویل میں کہوں یا مختصر کہوں |
| ہے چاند اس کے حسن کے اظہار میں مگن |
| تعریف اس کی کر رہا ہے بحر و بر کہوں |
| دیکھوں تو ہر طرف نظر آتی ہے اس کی شان |
| کرنوں میں رنگ اس کے ہیں شام و سحر کہوں |
| رنگ اس کے ہیں گلوں میں قطاروں میں ہیں جو پیڑ |
| لے کر کھڑے ہیں چار سُو اُس کی خبر کہوں |
| موجود ہے وہ ہر جگہ ہر لمحہ ہر گھڑی |
| قبلہ بنا دیا جسے اللہ کا گھر کہوں |
| تخلیقِ کائنات کا مقصد کہیں جسے |
| رحمت تھی جس پہ جب پڑی اس کی نظر کہوں |
| اُس نور تک رسائی تو مشکل نہیں مگر |
| دیکھیں اسے وہی جو ہوئے دیدہ ور کہوں |
| یہ آرزو ہے سامنا اس کا ہو جب کبھی |
| طارق اُسے میں اپنا بے خوف و خطر کہوں |
معلومات