| جمالِ فکر ہو ایسا کہ وسعتیں مانگے |
| خیالِ زیست مری بھی عنایتیں مانگے |
| نہ ہو جنوں تو سفر بھی نہیں مکمل سا |
| یہ رہگزر تو نفس کی ریاضتیں مانگے |
| جو اشک بن کے گرے حرف کی جبیں پر ہوں |
| وہ ایک لمحہ کئی گزری حسرتیں مانگے |
| ادھورے خواب فقط نیند سے نہیں جڑتے |
| یہ کائنات مکمل ، حقیقتیں مانگے |
| ہے بخت خام، تو تدبیر بھی نہیں کافی |
| دلوں کا کھیل بھی دنیا کی حکمتیں، مانگے |
| سخن کا سوز ہو گر سچ کی آگ میں ڈھلتا |
| تو پھر ضمیر سے جاناں صداقتیں مانگے |
| یہ شعر حسرتؔی دل کی صدا ہے سب حسرت |
| کہ ایک عشق ہزاروں محبتیں مانگے |
| کلام:- خورشید حسرت |
معلومات