| رشتہ ہے خدا سے تو نظر کیوں نہیں آتا |
| قابُو میں یہ شیطاں کا شرر کیوں نہیں آتا |
| تقدیر میں لکھا ہی اگر ہو کے رہے گا |
| پھر صبر سے جینے کا ہنر کیوں نہیں آتا |
| معصوموں کا خوں روز بہاتے ہیں درندے |
| اب ختم یہ ہونے کو سفر کیوں نہیں آتا |
| ظالم کو کھلی چھٹی ہے جو چاہے کرے وہ |
| مظلوموں کی آہوں میں اثر کیوں نہیں آتا |
| تصویر کے رنگوں میں ہے سرخی تو نمایاں |
| ہے تِیرہ شبی ، وقتِ سحر کیوں نہیں آتا |
| اک حشر کا ساماں ہے ، مگر حشر نہیں ہے |
| دینے کو مدد کوئی بشر کیوں نہیں آتا |
| ہرروز ہی جلتے ہیں مرے کوچے ، مرے لوگ |
| حیرت ہے یہ دنیا کو نظر کیوں نہیں آتا |
| مضطر کی خدا سنتا ہے طارق مرے دل کو |
| چاہوں کہ قرار آئے مگر کیوں نہیں آتا |
معلومات