| رلائے ہر گھڑی امت امامِ جعفرِ صادق |
| ترے گھر پر ہے پھر ظلمت امامِ جعفرِ صادق |
| تری قاتل بھی ہے امت امامِ جعفرِ صادق |
| ہے تجھ کو رو رہی وحدت امامِ جعفرِ صادق |
| دیا منصور نے ہائے خمس میں زہرِ قاتل تو |
| جہاں سے ہو گئے رخصت امامِ جعفرِ صادق |
| خدائی علم کو تو نے کیا روشن زمانے میں |
| بڑھائی دین کی عظمت امامِ جعفرِ صادق |
| ترے گھر کو جلایا ہے تجھے ہر پل رلایا ہے |
| ہے قیدی آج بھی تربت امامِ جعفرِ صادق |
| دمِ آخر بھی ہونٹوں پر فقط زینب کا نوحہ تھا |
| بتائی حرمتِ عصمت امامِ جعفرِ صادق |
| جلایا گھر کو تیرے اور پھر شب خون مارا ہے |
| لہو میں ہو گئے لت پت امامِ جعفرِ صادق |
| تری بھی بیٹیاں مولا ہیں دیکھو آگ کی زد میں |
| بھلا ڈالی ہے ہر حرمت امامِ جعفرِ صادق |
| ترے وہ بین کرتا ہے زبانِ بے زبانی سے |
| لکھے نوحہ یہ کیا شفقت امامِ جعفرِ صادق |
معلومات