| ہم تجھ سے محبّت نہ کریں گر ، تو کریں کیا |
| تجھ سے دمِ الفت نہ بھریں گر ، تو کریں کیا |
| اوڑھی ہوئی تُو نے جو خلافت کی ردا ہے |
| ہم نے بھی ترے ہاتھوں میں یہ ہاتھ دیا ہے |
| ہر خون کے قطرے میں ہمارے بھی وفا ہے |
| تُو نے جو کہا ہم نے بہر حال کیا ہے |
| جب عشق تِرا خون کے رشتوں سے سوا ہے |
| ہر ذرّۂ جاں تیری اطاعت میں فدا ہے |
| ہم تجھ سے محبّت نہ کریں گر ، تو کریں کیا |
| تجھ سے دمِ الفت نہ بھریں گر ، تو کریں کیا |
| خوں تیری رگوں میں تو نجابت کا بھرا ہے |
| روشن جو رکھا تو نے شرافت کا دیا ہے |
| جب سر پہ ترے تاج خلافت کا سجا ہے |
| جو عہد ہے بیعت کا وہ تُجھ سے ہی کیا ہے |
| اب ساتھ نبھانا تِرا ، مقصودِ وفا ہے |
| ہر شخص تجھے دیکھ کے دیوانہ ہوا ہے |
| ہم تُجھ سے محبّت نہ کریں گر ، تو کریں کیا |
| تجھ سے دمِ الفت نہ بھریں گر ، تو کریں کیا |
| ہم آگے ہیں تیرے تو حفاظت کے لئے ہیں |
| ہم پیچھے ہیں تیرے تو اطاعت کے لئے ہیں |
| ہم دائیں کھڑے تیرے ، اقامت کے لئے ہیں |
| ہم بائیں ہیں تیرے تو سعادت کے لئے ہیں |
| سر پر جو فرشتے تری نصرت کے لئے ہیں |
| قدموں میں فتوحات ، غنیمت کے لئے ہیں |
| عزّت پہ تری آنچ بھی آئے تو بھلا کیوں |
| رستے میں ترے کانچ بھی آئے تو بھلا کیوں |
| کمزور یہ سمجھا ہمیں دشمن بھلا کیسے |
| سچوں پہ لگا کرتی ہے قدغن بھلا کیسے |
| ٹوٹے گا محبّت کا یہ بندھن بھلا کیسے |
| چاہیں بھی تو ہو پائے گی ان بن بھلا کیسے |
| پھولوں سے بھرا دیکھیں تو گلشن بھلا کیسے |
| ہیں تُجھ پہ فدا سب لئے تن من بھلا کیسے |
| ان کو یہ سمجھ آئے نہیں گر ، تو کریں کیا |
| تجھ سے دمِ الفت نہ بھریں گر ، تو کریں کیا |
معلومات