| اے خدائے عزّ و جل اے مالکِ ارض و سما |
| تیرے علمِ غیب سے کچھ بھی نہیں ہے ماورا |
| تُو حئی ہے وہ کہ جس پر مَوت آ سکتی نہیں |
| تُو وکیل و ناصر و غوث و غیاث و کِبریا |
| کار فرما ہیں ترے احکام بے چُون و چرا |
| کس کو ہے سرتابئی احکام سے یارا ذرا |
| آشکارا ہے ترے محبوب کی اُمّت کا حال |
| ہر نفس چاکِ گریباں ہر بشر ہرزہ سرا |
| اُمّتِ مرحوم پر ہے ہر طرف سے تارومار |
| کیا امامانِ سیاست کیا کلیسا کے خُدا |
| ہو گیا دنیا میں ارزاں آج مسلم کا لہو |
| کیا فلسطین و عراق و کیا زمینِ انبیا |
| درپئے آزار ہیں فرزندِ تثلیثِ مسیح |
| ایک اندھا بُعد ہے بین الحرا و ناصرہ |
| شیر خواروں کے لہو سے آج بھی رنگیں ہیں ہاتھ |
| کل کیا کرتے تھے جو قتلِ مسیح و ذکریا |
| ہر طرف یلغار ہے اور اُمّتِ ختم الرسل |
| طعنہ زن ہیں غیر کہ کوئی نہیں اپنا خدا |
| کیا کریں جائیں کہاں کس کو سنائیں حالِ دل |
| قادر و عادل ہے تُو،تو قاتلوں کو دے سزا |
| آوازۂ غیب ; |
| سُنتِ ختم الرسل پر ہر طرف سے وار ہے |
| حاملِ قرآن خود قُرآن سے بیزار ہے |
معلومات