| خدا نے رکھ لیا میرا بھرم آہستہ آہستہ |
| ہوا مجھ پر شہِ دیں کا کرم آہستہ آہستہ |
| اگر قسمت سے جا پہنچے کبھی ارضِ مقدس پر |
| دیارِ عشق میں رکھنا قدم آہستہ آہستہ |
| مِرے سرکار کی آمد کی برکت ہے جہاں والو! |
| رفو چکر ہوئے ظلم و ستم آہستہ آہستہ |
| حلیمہ بی کا وہ آنگن جہاں سرکار کھیلے ہیں |
| بنا ہے بالیقیں رشکِ ارم آہستہ آہستہ |
| پلٹ کے آ گیا سورج ہوا چندا بھی دو پارا |
| گواہی آپ کی دیتے صنم آہستہ آہستہ |
| وہ رب کے برگزیدہ ہیں وہ وجہِ خلقتِ عالم |
| کیا نعتِ نبی ہم نے رقم آہستہ آہستہ |
| مصیبت میں تصدق! جب پکارا یا رسول اللہ |
| ہوئے ہیں دور سب رنج و الم آہستہ آہستہ |
معلومات