| تُم کو دل میں ہے اتارا عمر بھر |
| ساتھ چاہوں گا تمہارا عمر بھر |
| اے خُدا مَیں اس کے آدھے پیار میں |
| اب کروں کیسے گزارا عمر بھر |
| وہ بہے دریا کے پانی کی طرح |
| مَیں رہوں اُس کا کِنارا عمر بھر |
| کاروبارِ دل لگی میں دوستو |
| ہو بھی سکتا ہے خسارا عمر بھر |
| اے نجومی کیوں ترے آگے بھلا |
| بات کرتا ہے ستارہ عمر بھر |
| دیکھنے دو آنکھ بھر کے اب مجھے |
| دیکھ پاؤں گا دوبارہ عمر بھر |
| جس سہارے پر ہے ساری کائنات |
| چاہیے بس وہ سہارا عمر بھر |
| پیار میں ہارا تو بس ہارا جہاں |
| دل میرا لیکن نہ ہارا عمر بھر |
| سوچتا ہوں مانی اک دلدار کا |
| آنکھ میں رکھوں نظارہ عمر بھر |
معلومات