| مرے پیارے نبی سرور مٹھن منٹھار یا حضرت |
| بلا لو مجھ کو بھی اپنے در و در بار یا حضرت |
| تمہیں پر ہے بھروسہ یا رسول الله مرا ہردم |
| ترے جیسا نہیں کوئی مرا غمخوار یا حضرت |
| مرے بس میں نہیں کچھ بھی مدد فرمائیے میری |
| حوالے آپ کے کرتا ہوں میں گھر بار یا حضرت |
| متاع اپنی حجاب غفلتوں میں کھو رہا ہوں میں |
| شفا دو مرضِے عصیاں سے میں ہوں بیمار یا حضرت |
| میں اپنے نفس امارہ سے چھٹکارا کروں حاصل |
| عتیق اپنے کو دو ایسی کوئی تلوار یا حضرت |
معلومات