.jpg)
| وَجْہِ کَون و مَکَاں آپ کی ذات ہے |
| شَاہدِ کُن فَکَاں آپ کی ذات ہے |
| نُورِ اوّل تُمہی، خَلْقِ سَابِق تُمہی |
| آخِرِ مُرسَلاں آپ کی ذات ہے |
| آپ مُہرِ نَبوت، اِمامِ رُسُل |
| خَاتِمُ الْاَنْبِیا آپ کی ذات ہے |
| جِس کی قَسمِیں اُٹھائے خُدا کی کِتاب |
| صَادِقِ با صَفا آپ کی ذات ہے |
| کون کیسے کرے حَمد تُجھ سی بَیاں |
| حَامدِ بے رِیا آپ کی ذات ہے |
| جِن کا ڈَنْکا بجے ہر مَکان و زَماں |
| فَاتِحِ کُل جَہاں آپ کی ذات ہے |
| مِٹ گیا زورِ باطِل تِرے نام سے |
| ماحِیِ بُت کَدَاں آپ کی ذات ہے |
| کوئی تُجھ سا نہیں اے حَبیبِ خُدا |
| قاسِمِ رحمَتاں آپ کی ذات ہے |
| صِرف تیرا سَہارا ہے مَظلوم کو |
| حَافِظِ بے کَسَاں آپ کی ذات ہے |
| ہاں وسِیلہ نہیں کوئی تیرے سِوا |
| شَافِعِ عَاصِیاں آپ کی ذات ہے |
| دُور کردو قَساوَت غُلَامَان کی |
| طَاہِرِ کَج دِلاں آپ کی ذات ہے |
معلومات