| کہ لطف ایسا ستم ایجاد کر دے |
| ہمارے دل کو بھی جو شاد کر دے |
| اڑی پھرتی ہے دل میں خاک میرے |
| کوئی ویرانہ یہ آباد کر دے |
| نہیں تقدیر کا کوئی بھروسہ |
| خرابی کب کوئی افتاد کر دے |
| بہت احسان ہوگا مجھ پہ ساقی |
| اگر تھوڑی سی تو امداد کر دے |
| ہے پل پل مر کے جینے سے تو بہتر |
| جدا سر تن سے ہی جلاد کر دے |
| ولی جانے اسے کیوں ہے زمانہ |
| جو ترکِ عالمِ اجساد کر دے |
| قفس سے میں کہاں جاؤں نکل کر |
| مجھے صیاد گر آزاد کر دے |
| گنے ہیں شمع کے آنسو تو سب نے |
| کوئی پروانوں کی تعداد کر دے |
| برے کو مت برائی کو فنا کر |
| سزا ہم کو خطا ہم زاد کر دے |
| سزا اس کی بھلا ہو کیا مقرر |
| کوئی بھولے سے جو فریاد کر دے |
| ملی ہے اس کو استعداد اتنی |
| جِنوں سے ہو نہ آدم زاد کر دے |
| اگر بچنا قفس کی قید سے ہے |
| شکستہ پنجۂ صیاد کر دے |
| چھلک کر اشک چشمِ تر سے میری |
| بیاں سب سے مری روداد کردے |
معلومات