| جب سورج ڈھلتا ہے |
| جب زلفیں شب کی کھلتیں ہیں |
| فضا خاموشی کی چادر اوڑھتی ہے |
| جب تارے نکل پڑتے ہیں |
| جب چاند نکل پڑھتا ہے |
| بامِ فلک سے شبنم گرتی ہے |
| جب نیند برستی ہے |
| جب خواب برستے ہیں |
| جب دنیا سوتی ہے |
| جب احساس جگتے ہیں |
| جب شعلے سلگتے ہیں |
| کوئی دیوانہ کوئی آوارہ |
| گھر کے دِیوں کو بجھا کر |
| اپنا جسمِ خاکی اتار کر |
| دن بھر کی تھکن چھوڑ کر |
| دل کو دل کے ارمانوں کو |
| سب حسرتوں کو بے شکل سے خوابوں کو مار کر |
| ان امیدوں کی شمعوں بجھا کر |
| اک عمر سے جو جلتے رہے ہیں |
| جو کسی بے خیالی میں پلتے رہے ہیں |
| وہ نکل پڑھتا ہے |
| کسی دشت کسی خواب نگری کی جانب |
| کسی صحرا کسی شہرِ آوارگی کی جانب |
| جہاں دل جلتے ہوں چراغ نہیں |
| جہاں ہونٹ کھنکتے ہوں یہ ایاغ نہیں |
| آنکھیں جلتی ہوں خواب نہیں |
| جہاں ہوش نہیں متعین کوئی شعور نہیں |
| کوئی رسم و راہ نہیں کوئی دستور نہیں |
| کوئی اہلِ ثروت کوئی مزدور نہیں |
| جہاں نیند نہیں آرام نہیں |
| زندہ لاشوں کا کام نہیں |
| جہاں صبح و شام کا یہ ہنگام نہیں |
| جہاں نام نہیں دنیا سا نظام نہیں |
| جہاں سوچ کی کوئی حد ہی نہیں |
| کسی آدمی کی آواز رد بھی نہیں |
| جہاں کوئی نواب نہیں کوئی جناب نہیں |
| جہاں کوئی گناہ نہیں کوئی ثواب نہیں |
| جہاں بس آدم کی قدر ہو اس کے لباس کی قدر نہیں |
| جس عالم ذہن میں آج نہیں وہ کل بھی نہیں |
| یہ وقت نہیں یہ زماں بھی نہیں |
| یہ وہم نہیں یہ گماں بھی نہیں |
| جہاں کوئی پردہ نہیں |
| کسی چیز کی پروہ نہیں |
| جس عالم میں تو میں وہ نہیں |
| جہاں آدمی آدمی سے ملتا ہو |
| جہاں پھول وجود کا کھلتا ہو |
| جہاں آدمیت کا دریا بہتا ہو |
| ہر کوئی اپنے آپ کو آدم کہتا ہو |
معلومات