سر ہلاتے ہوئے مسکراتے ہوئے |
آتے جاتے ہوئے |
تم بھی انجان ہو ہم بھی انجان ہیں |
یوں ستاتے ہوئے دل دکھاتے ہوئے |
ظلم ڈھاتے ہوئے |
تم بھی انجان ہو ہم بھی انجان ہیں |
زیست ہے گفتگو بولنا چاہیے |
دیکھنا چاہیے سوچنا چاہیے |
بیٹھنا چاہیے یہ بتاتے ہوئے |
یہ سکھاتے ہوئے یہ بھلاتے ہوئے |
تم بھی انجان ہو ہم بھی انجان ہیں |
نیند میں سر بسر خواب میں در بدر |
عرش کی فکر میں فرش سے بے خبر |
ایک انجان در کھٹکھٹاتے ہوئے |
صدا لگاتے ہوئے کچھ نہ پاتے ہوئے |
تم بھی انجان ہو ہم بھی انجان ہیں |
معلومات