| رحمتِ کردگار کی باتیں |
| ان کے رخ کی بہار کی باتیں |
| ان کی پیاری پیزار کی باتیں |
| کچھ کرے اپنے یار کی باتیں |
| کچھ دلِ داغدار کی باتیں |
| جان تجھ پر فدا وہ کرتے ہیں |
| ہر الم مسکرا کہ سہتے ہیں |
| ہے جو تیرے وہی تو کہتے ہیں |
| ہم تو دل اپنا دے ہی بیٹھے ہیں |
| اب یہ کیا اختیار کی باتیں |
| چار یاروں کی پاک شربت سے |
| ان ﷺ کے صدقے مقامِ وحدت سے |
| عشقِ حق سے قبل محبت سے |
| میں بھی گزرا ہوں دورِ الفت سے |
| مت سنا مجھ کو پیار کی باتیں |
| ہم نوا غم زِدا نہیں کوئی |
| دردِ دل کی دوا نہیں کوئی |
| اب کسی سے گلہ نہیں کوئی |
| اہلِ دل ہی یہاں نہیں کوئی |
| کیا کرے حالِ زار کی باتیں |
| پہلے ہوتی ہے الفتِ جاناں |
| رقص کرتا ہے پھر وہ دیوانہ |
| وجد میں کہتا ہے وہ مستانہ |
| پی کے جامِ محبت جاناں |
| اللہ اللہ خمار کی باتیں |
| خوب ذکرِ رسول اکرم ﷺ کر |
| خوب عشقِ نبی ﷺ سے سینہ بھر |
| پاس اپنے جما نہ مال و زَر |
| مر نہ جانا متاعِ دنیا پر |
| سن کے تو مالدار کی باتیں |
| ہوتے گر قائمِ شریعت تم |
| دیں پہ کرتے گر استقامت تم |
| ہوتے جو عاشقِ رسالت تم |
| یوں نہ ہوتے اسیرِ ذلت تم |
| سنتے گر ہوشیار کی باتیں |
| سن! اے نورِ رضا تو اس دم بھر |
| کر کے ان پر فدا تو جان و پسر |
| یادِ طابہ میں زندگی تو بسر |
| ہر گھڑی وجد میں رہے اختر |
| کیجیے اس دیار کی باتیں |
| __________________________________________ |
| اہلِ صدق و صفا نہیں کوئی |
| اہلِ راہ وفا نہیں کوئی |
| اہلِ عشقِ خدا نہیں کوئی |
| اہلِ دل ہی یہاں نہیں کوئی |
| کیا کرے حالِ زار کی باتیں |
| اہلِ شرم و حیا نہیں کوئی |
| اہلِ باطن صفا نہیں کوئی |
| اہلِ عشق و وفا نہیں کوئی |
| اہلِ دل ہی یہاں نہیں کوئی |
| کیا کرے حالِ زار کی باتیں |
| 13 رجب 1445 |
| 25 جنوری 2024 |
معلومات