| کیوں یہاں آئے یہ اکثر بولتا رہتا ہوں میں |
| زندگی کا کیا ہے مقصد ، تولتا رہتا ہوں میں |
| میری قربت میں جو رہتا ہے بڑا دلگیر ہے |
| ساتھ شاید اس کو اپنے رولتا رہتا ہوں میں |
| زندگی میں کیا ہے کھویا، کیا ہے پانے کا جنون |
| دل ہی دل میں خود کو اکثر تولتا رہتا ہوں میں |
| بیچ دریا کے تو کھیلا ہوں میں موجوں کے خلاف |
| بیٹھ کر ساحل پہ کیوں پھر ڈولتا رہتا ہوں میں |
| روشنی ہے اس چراغِ زندگی کی چار دن |
| چاندنی ماحول میں پر گھولتا رہتا ہوں میں |
| راز پوشیدہ ہیں کتنے، ہے معمّہ کائنات |
| غور کر کے دل کی گر ہیں کھولتا رہتا ہوں میں |
| سوچ کو دے کر سُخن کا روپ کر لوں گفتگو |
| لوگ کہتے ہیں کہ اکٹر بولتا رہتا ہوں میں |
| اپنے اندر دیکھنے کی جب مجھے فرصت ملے |
| پا کے طارق راز اس کے کھولتا رہتا ہوں میں |
معلومات