| وقتِ شب خود سپردگی کر دے |
| یوں فنا خاک میں خودی کر دے |
| چھا رہا یاس کا اندھیرا ہے |
| صبحِ امّید ، روشنی کر دے |
| آسماں کی طرف نگاہیں ہیں |
| دور ساری یہ تیرگی کر دے |
| حوصلے پست ہوتے جاتے ہیں |
| گرتی دیوار پھر کھڑی کر دے |
| دل پہ کب سے خزاں کا عالم ہے |
| اس پہ تھوڑی بہار ہی کر دے |
| کوئی برسات غیب سے برسا |
| ڈال امّید کی ہری کر دے |
| تجھ سے تیرا ضمیر چھن جائے |
| عقل کی قید سے بری کر دے |
| تجھ کو تنہائیاں عزیز ہوئیں |
| دل ترا دشت میں قوی کر دے |
| ہجر ہے اور فراق کا عالم |
| دن بدل ، وصل کی گھڑی کر دے |
| کہہ دے طارق تجھے جو کہنا ہے |
| تجھ کو تیرا خدا جری کر دے |
معلومات