| بچپن سے ہی سبق ہمیں ایسے پڑھا دئے |
| جینے کے زندگی نے سلیقے سکھا دئے |
| قوسِ قُزَح کو دیکھ کے حیران ہم ہوئے |
| قدرت نے اس میں رنگ جو بھر کے دکھا دئے |
| دیکھا ہے برف باری نے ڈھانپے سبھی بدن |
| سب کو سفید رنگ کے کپڑے دلا دئے |
| احرام باندھ کر گئے اس کے دیار میں |
| دیکھا تو حُسنِ یار نے پردے ہٹا دئے |
| اس کے حضور ہم کھڑے تھے ہاتھ باندھ کر |
| اس پر زباں نے وصل کے وعدے سنا دئے |
| پیغام سن کے پیار کا اس نے یہی کہا |
| کیوں تم نے آج تلخ سے لہجے دبا دئے |
| ہم انتظار میں تھے ابھی اس نے جب کہا |
| کس نے تمہیں یہ پیار کے جذبے سکھا دئے |
| طارق تمام عمر رہے جس کے منتظر |
| اس نے بھی ہم کو پیار کے جلوے دکھا دئے |
معلومات