| ہزار طوفان بحر و بر میں مزاجِ دریا بھی پر خطر ہے |
| مجھے ضرر کیوں ہو رنج و غم سے کہ ربِِّ کعبہ کو سب خبر ہے |
| اگرچہ راہِ وفا سے ہٹ کے مَیں تھک گیا تھا غمِ شرر سے |
| مَیں مطمئن ہوں زمانے والو کہ قلب و جاں میں نبی کا گھر ہے |
| اے مومنو حِرزِ جاں بنا لو محمّدّی ہیں نشاں بنا لو |
| چھٹیں گے بادل ضرور اک دن یہ وعدۂ سیدُّ البشر ہے |
| ابھی بھی دل میں رچی ہوئی ہیں رچی ہوئی ہیں بسی ہوئی ہیں |
| وہ ساعتیں جو جگائے رکھتیں رسول اللّہ کے در پہ سر ہے |
| مرا قلم ہو مری زباں ہو نبی کی شانِ حسیں بیاں ہو |
| تو رازِ دل اس طرح عیاں ہو حضور دامن یہ تر بتر ہے |
| درِ مُحُّمد سے اُٹھ کے آنا کہاں ہے آساں یہ بھول جانا |
| مَیں کیسے اُٹھّا کہاں پہ آیا ابھی حضر تھا ابھی سفر ہے |
| الٰہی ہم کو معاف کردے کہ اُمّتی ہیں شہِ عرب کے |
| ہماری منزل کے ہر قدم پر کہیں ہے خندق کہیں بدر ہے |
| امید احقر حقیر بن جا نبی کے در کا فقیر بن جا |
| گدا ہوں کیسا نظیر بن جا یہی سمع ہے یہی بصر ہے |
معلومات