| الگ سے حسرتوں کا ہم حساب لکھیں گے |
| محبّتوں کی کبھی گر کتاب لکھیں گے |
| کتابِ زیست کے پہلے ورق پہ پیار کے ساتھ |
| ترے ہی نام کا ہم انتساب لکھیں گے |
| ہمارا حال تو لکھے بنا عیاں ہو گا |
| وہ دیکھ کر مجھے کیا کیا خطاب لکھیں گے |
| ہوا ہے اس سے تعلّق مرا تو کہتے ہیں |
| مجھے بھی لوگ اب عزّت مآب لکھیں گے |
| مرا بھی نام لیا جائے گا کہانی میں |
| تعارف اپنا رسالے شتاب لکھیں گے |
| ہمارا ذکر بھی آیا کہیں تو یوں ہو گا |
| ہمارے کہنے سے لبِّ لباب لکھیں گے |
| فرشتے لکھ رہے ہیں ہر گھڑی ہمارا حال |
| کما لیا ہے جو اب تک ثواب لکھیں گے |
| کہیں پہ کان بھرے ہوں گے ان رقیبوں نے |
| فرشتے کاہے کو ورنہ عذاب لکھیں گے |
| ہمارے مہرباں اس تاک میں ہی رہتے ہیں |
| کہیں جو اس نے اٹھائی نقاب لکھیں گے |
| ذرا سی بات پہ گھبرا کیے ہو کیوں طارق |
| ہمارے جی میں جو آیا جناب لکھیں گے |
معلومات