| حق کی رہ میں آگیا گر درمیاں صحرا تو کیا |
| مل ہی جائے راستہ ہو سامنے دریا تو کیا |
| ہر ستم بھی عشق کا مجھ کو گوارہ جب یہاں |
| "میں اگر محفل میں اس کی ہو گیا رسوا تو کیا" |
| لوگ آنے سے کبھی تو کارواں بن جائیں گے |
| جانبِ منزل چلا ہوں میں اگر تنہا تو کیا |
| خواب کی تعبیر مل ہی جائے گی اک دن مجھے |
| ٹوٹ جائے کوئی میرا بھی اگر سپنا تو کیا |
| الفتیں ناصؔر نگاہوں سے عیاں ہوں گی ضرور |
| لگ چکا ہے جو لبوں پر اک کڑا پہرا تو کیا |
معلومات