| یہ صحرا میں تو کتراتے ہیں بود و باش سے بادل |
| یہ صحرا میں تو کتراتے ہیں بود و باش سے بادَل |
| اُتر آتے ہیں دھرتی پر کہیں آ کاش سے بادَل |
| یہ ساون کے مہینے بھی رہے اس سال سُوکھے سے |
| اگرچہ آئے تھے دو چار دن قلّاش سے بادَل |
| ہمارے ہاں تو سورج سردیوں میں کم نکلتاہے |
| مگر آتے ہیں جانے کونسی پاداش سے بادَل |
| نہیں آتے نظر یہ دھوپ میں لیکن جو سردی ہو |
| ہمارے سر پہ رہتے ہیں کسی پُر خاش سے بادَل |
| عجب نقشے بنا کر یہ فلک پر اُڑتے رہتے ہیں |
| کرشمہ ہیں خدا کے حسن کا نقاش سے بادَل |
| کبھی جاتا ہوا سورج چھپا لیں گر یہ پہلو میں |
| عجب نظّارہ دکھلاتے ہیں پھر ضو پاش سے بادَل |
| کبھی جلدی میں ہم جو بھول جائیں گھر پہ چھتری کو |
| چلے آتے ہیں ہم سے کھیلنے اوباش سے بادَل |
| یہ لوگوں کی دعاؤں سے برستے ہم نے دیکھے ہیں |
| نہیں ٹلتے کبھی لیکن مری شاباش سے بادَل |
| ہواؤں نے عجب سی یہ رپٹ لکھوائی ہے طارق |
| بہت اٹھکیلیاں کرتے پھریں عیّاش سے بادَل |
معلومات