| ہوئے ہیں جنگ کے ساماں کہاں پائے اماں کوئی |
| رکھے سنبھال کر کس کی حفاظت میں یہ جاں کوئی |
| نہ ملتا ہے نہ ملنے کا اشارہ کوئی دیتا ہے |
| دیا امّید کا روشن کرے دل میں کہاں کوئی |
| ہمیں معلوم ہے تیرے جہاں ہیں اور بھی لیکن |
| یقیں ہو کس بھروسے پر کہ ملتا ہے وہاں کوئی |
| اسے کیونکر ہو اندازہ نہ ہو اظہار جب اس سے |
| محبّت کتنی رکھتا ہے یہاں دل میں نہاں کوئی |
| کہاں تک جھوٹ کے پیچھے چھپیں گی ظلمتیں شب بھر |
| چڑھا سورج تو کر دے گا صداقت اب عیاں کوئی |
| مجھے حیرت ہے کیونکر وہ سمجھ پاتا نہیں اتنا |
| چلاتا ہے کوئی چلتا ہے تب کون و مکاں کوئی |
| وہ مالک ہے جہاں میں ہر طرف کرسی اسی کی ہے |
| محیط اِس پر ہے اُس پر تو نہیں قیدِ زماں کوئی |
| تمہیں ادراک ہو طارق اگر اس کی بڑائی کا |
| سنائی نعرۂ تکبیر دے لب پر فغاں کوئی |
معلومات