| پیر کامل پہ کر اپنی ہستی فنا تجھ پہ رحمت کی برسات ہو جائے گی |
| اولیاء کی نگاہوں میں آ جاۓ گا جب فنا ذات میں ذات ہو جائے گی |
| معجزہ عشق کا دیکھنا ہے اگر آئینے کی طرح اپنا دل صاف کر |
| دل میں محبوب کا بس تصور جما آمنے سامنے بات ہو جائے گی |
| صبغۃ الله کی رنگت بھی چڑھ جائے گی اللہ والوں کی مجلس میں جایا کرو |
| اس کے بندوں سے رشتہ بنا کے رکھو تجھ کو حاصل یہ سوغات ہو جاۓ گی |
| جو سبق شیخ دے خوب کر یاد تو اور تنہائی میں تو لگا ضربِ ہو |
| الله ہو کی صدا میں مٹا خود کو تو شب قدر تیری ہر رات ہو جاۓ گی |
| تجھ کو مرشد حضوری میں لے جائیں گے اے عتیق ان سے خو کو تو وابستہ رکھ |
| شیخ کامل کی ہو گی نظر تجھ پہ جب مصطفیٰ سے ملاقات ہو جائے گی |
معلومات