| غم کا چھپا ہے یادوں میں طوفان کربلا |
| بھر پائے گا نہ دل کا یہ خلجان کربلا |
| خوں ریزی کا وہ معرکہ گھمسان کربلا |
| بدحالی پر عدو بھی پشیمان کربلا |
| کرتی بیاں حسینؓ کی دلدوز داستاں |
| روداد کا اسی تو ہے عنوان کربلا |
| ظالم بھی اشک بار ہوئے حرج مرج سے |
| آل نبیؓ کا شور ہے افغان کربلا |
| ثابت قدم ہوں سبط نبیؓ کا سبق یہی |
| باطل سے ہے نہ ڈرنے کا اعلان کربلا |
| پیارے حسینؓ رتبہ ء علیا کو پاگئے |
| آخر ہوا یزید کا خسران کربلا |
| جو اہل بیتؓ سے لڑے ناصؔر وہ مٹ گئے |
| اس بات کا گواہ ہے میدان کربلا |
معلومات