| رو روکے بیاں کرتی تھی یہ فاطمہ صغرٰی |
| گھر آو خدارا |
| حجروں میں نظر آتا ہے ہر ایک کا سایہ |
| گھر آو خدارا |
| تنہا جو مجھے چھوڑ کے کربل میں بسے ہو |
| کیا بھول گئے ہو |
| اے بھیّا مجھے ساتھ میں لانے کا تھا وعدہ |
| گھر آؤ خدارا |
| اس داغِ فراغت کو میں اب سہہ نہیں سکتی |
| یہ جاں ہے نکلتی |
| میں آٹھوں پہر یاد تمہیں کرتی ہوں بابا |
| گھر آؤ خدارا |
| کہتی نہ تھی ہمراہ مجھے لے چلو بابا |
| چھوڑو نہ خدارا |
| بیٹی کے لئے باپ ہی ہوتا ہے سہارا |
| گھر آو خدارا |
| حالت جو ہے میری ہے شب و روز پہ روشن |
| تنہائی ہے دشمن |
| اکبر کے سوا کوئی نہیں غم کا مداوا |
| گھر آؤ خدارا |
| اِس باغ امامت میں کھلا تھا جو گلِ تر |
| ہاں میرا وہ اصغر |
| ہر پل مجھے تڑپاتا ہے اصغر کا ہمکنا |
| گھر آو خدارا |
| عباس چچا مجھ کو تھی تم سے تو بڑی آس |
| اب تم بھی نہیں پاس |
| روداد بیاں کس سے کرے فاطمہ صغرا |
| گھر آؤ خدارا |
| بھیا علی اکبر کی ہے شادی کا جو ارمان |
| ہے یہ میرا ایمان |
| اے بھیا سجاؤں گی میں سہرا بھی تمھارا |
| گھر آؤ خدارا |
| وہ ثانئ زہرا ہیں پھوپھی جان ہماری |
| اکبر پہ ہیں واری |
| اکبر کا تمھیں واسطہ اے ثانئِ زہرا |
| گھر آؤ خدارا |
| آشفتگی اب اور مِری بڑھنے لگی ہے |
| یہ کیسی گھڑی ہے |
| کیا چاند محرم کا نظر ہے یہاں آیا |
| گھر آؤ خدارا |
| یہ قاصدِ صغرٰی ہوا اس وقت ہے نازل |
| جب کچھ نہیں حاصل |
| برچھی کو کلیجے میں ہے اعدا نے اتارا |
| گھر آؤ خدارا |
| پھر لاشۂ اکبر سے یہ کہتے رہے شبیر |
| سن لو میرے دلگیر |
| آیا ہے ابھی کہتا ہے تم سے خطِ صغرٰی |
| گھر آؤ خدارا |
| اکبر کی جواں لاش کو خیمے میں جو لائے |
| شہ نے کہا ہائے |
| ہم شکلِ پیمبر کا بدن چھلنی ہے سارا |
| گھر آؤ خدارا |
| خونِ علی اکبر سے لکھے شہ نے جو صائب |
| اس طرح مصائب |
| پیری میں مجھے چھوڑ کے اکبر ہے سدھارا |
| گھر آؤ خدارا۔ |
معلومات