| یہ دِل جو میرا مچل رہا ہے |
| سِحر اُسی کا ہی چل رہا ہے |
| یہ مثلِ آتش جو جل رہا ہے |
| یہ عشق مجھ میں ہی پل رہا ہے |
| غزال آنکھیں گلاب چہرہ |
| ہمارے شعروں میں ڈھل رہا ہے |
| وصال اپنا وہ پہلی بارش |
| حسین یادوں کا پل رہا ہے |
| یہ آج گلشن جو خوش نُما ہے |
| کسی زمانے میں تھل رہا ہے |
| تمہارے چہرے سے بھی عیاں ہے |
| شباب میرا بھی ڈھل رہا ہے |
| تمھیں سُناؤں غزل شگفتہ |
| خیال دِل میں مچل رہا ہے |
| مَیں جس کو اب تک نہ بھول پایا |
| وہ لمس دِل کی غزل رہا ہے |
| ہے عشق جاویدؔ ایسا چشمہ |
| جو پیاسے ہونٹوں کا جل رہا ہے |
| ******* |
معلومات