| خاموش آنکھ کو بھی دعا یاد آ گئی |
| منہ موڑا یار نے تو قضا یاد آ گئی |
| دو گام ہی چلی تھی کسی ہجر میں وفا |
| آزار راستے کے ، بلا یاد آ گئی |
| چمکی افق پہ دور کہیں جب بھی روشنی |
| دیپک کو تیز چلتی ہوا یاد آ گئی |
| رخصت ہوئی جو جان تو کانپے ترستے لب |
| شاید انہیں بھی دل کی خطا یاد آ گئی |
| آیا عذاب بستی پہ جب بھی کبھی ، کوئی |
| اپنے کئے کی سب کو سزا یاد آ گئی |
| پازیب کی صدا میں تھی حسرت بسی ہوئی |
| سن کے جسے گلوں کو حنا یاد آ گئی |
| سوکھے گلاب کی بھی ہمیں آئی باس تو |
| شاہد ! جگر کو کھوئی دوا یاد آ گئی |
معلومات