| اے حُسنِ رُخِ جاناں دیوانہ بنا دینا |
| جلوے ہیں جو دلبر کے نظروں سے دکھا دینا |
| غمخوار سدا دیکھیں یہ عکسِ جمالِ ہو |
| جو پردے ہیں غفلت کے وہ سارے ہٹا دینا |
| چلوں راہِ فروزاں پہ عُقبٰی ہو میرا روشن |
| جزبہ ہے جو منزل کا ہر آن نیا دینا |
| دل جان کے ٹکڑے ہیں گُل پھول یہ زہرہ کے |
| عترت کے تقدس سے ہر دل کو ضیا دینا |
| اس در کے جو منگتے ہیں داتا ہیں وہ شاہوں کے |
| عاجز ہے سخی در پر خیرات سوا دینا |
| ہر آنکھ ترستی ہے اس گلشنِ جاناں کو |
| مسجد میں سخی آقا دربار دکھا دینا |
| اے عشقِ نبی میرے ہر حال پہ چھا ایسے |
| دیوانہ ہوں میں اُن کا دیگر کو بھلا دینا |
| مجھے اپنے وسیلے سے اور لطف و عنایت سے |
| میدان میں محشر کے حازن سے چھڑا دینا |
| جب ڈھونڈنے آئیں وہ کملی میں چُھپا کہہ دیں |
| دیوانہ ہے یہ ان کا کیا اس کو سزا دینا |
| مُجھے موت اگر آئے سرکار کے کوچے میں |
| پھر نام شہیدوں میں محمود لکھا دینا |
معلومات