| دیکھا ہے جب سے موت کو مَیں نے قریب سے |
| الفت مزید بڑھ گئی میری صلیب سے |
| ۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ |
| ایسا بھی کوئی ڈھونڈ کے لانا پڑے گا اب |
| شکوہ نہیں ہو کوئی بھی جس کو رقیب سے |
| ۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ |
| لیتا ہے امتحاں وہ غریبوں کے بار بار |
| ہوتا نہیں ہے دور کبھی رب غریب سے |
| ۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ |
| جب سے شعور بڑھنے لگا ہے عوام میں |
| نالاں ہیں لوگ آج کل نقلی خطیب سے |
| ۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ |
| روتا رہوں گا دیر تلک اُس کے سامنے |
| شکوہ کروں گا آج میں اپنے حبیب سے |
| ۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ |
| باہر سے اور دیکھ لو اندر سے اور ہیں |
| کچھ لوگ تو ملے ہیں بڑے ہی عجیب سے |
| ۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ |
| اپنے وطن کا حال بھی ایسا ہے دوستو |
| ہم نے بھی آس باندھی ہے جھوٹے طبیب سے |
| ۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ |
| سب کچھ گنوا دیا تو یہ مانؔی کھلا ہے تب |
| ملتے ہیں دوست اچھے بڑے ہی نصیب سے |
معلومات