| ہم آلِ مصطفیٰ کے ادنیٰ غلام ہیں |
| آتے خدا سے جن پر دائم سلام ہیں |
| عترت کے چاند سارے لعلِ جہان ہیں |
| بابا جو اُن کے پیارے خیر الانام ہیں |
| ہیں شیر مصطفیٰ کے حیدر علی جلی |
| درجے ہیں جن کے اعلیٰ اونچے مقام ہیں |
| مرحب کے سر پہ کاری تھی ضرب حیدری |
| فتحِ مبین والے حیدر کے کام ہیں |
| من کنتُ حکم صادر جو ہے کیا گیا |
| مولا علی اسی سے میرے امام ہیں |
| حسنین ابنِ حیدر زہرہ کے پھول دو |
| جن پر درود رب کے آتے مدام ہیں |
| قائم حسین نے ہے دینِ مبیں کیا |
| کربل میں درجے رنگیں جن کے تمام ہیں |
| محمود شان اُن کی قرآں کرے بیاں |
| قدرت سے جن کو حاصل اقدارِ تام ہیں |
معلومات