| بیج اپنے دل میں پیار کا بوتا ہے یا نہیں ؟ |
| وہ اپنی عقل پیار میں کھوتا ہے یا نہیں ؟ |
| اس سے چھپا کے زخم میں رکھتا ہوں اس لیے |
| احساس اس کو درد کا ہوتا ہے یا نہیں ؟ |
| یہ جاننے کی جستجو دل میں ہے ہر گھڑی |
| وہ میرے دکھ میں بھی کبھی روتا ہے یا نہیں ؟ |
| خوشبو مرے بدن کی لحافوں میں رہ گئی |
| اب میرے بعد وہ انہیں دھوتا ہے یا نہیں ؟ |
| اس نے کہا کہ نیند بھی تم لے گئے مری |
| اب دیکھنا ہے وہ کبھی سوتا ہے یا نہیں ؟ |
| طوفان سے نکال کے لایا تو ہے مجھے |
| ساحل پہ لا کے مجھ کو ڈبوتا ہے یا نہیں ؟ |
معلومات