| دل نشیں اک تجھی سے الفت ہے |
| تیری یادوں سے مجھ کو چاہت ہے |
| لمحہ لمحہ تری ضرورت ہے |
| یہ محبت ہے یا اذیت ہے؟ |
| ایسا ڈوبا ہوں تیری الفت میں |
| آ بھی جا اب تری ضرورت ہے |
| یہ محبت نہ میری دو پل کی |
| آخری سانس تک کی چاہت ہے |
| چھوڑ دوں کیسے دلربا تجھ کو |
| تو ہی تو آخری محبت ہے |
| میرے دل سے نہ تو بری ہوگی |
| یہ مرے عشق کی عدالت ہے |
| میری خوشیوں کا قتل کرکے تو |
| جارہی ہے ؟ تو جا اجازت ہے |
| دور جب سے ہوا ہے وہ ، رہبر |
| لمحہ لمحہ مرا قیامت ہے |
معلومات