| کتنے ہی خواب اپنے سہانے دبا دئے |
| یادوں میں رہ گئے جو فسانے دبا دئے |
| آئے تو تھے زمیں سے خزانے نکالنے |
| ہم نے زمیں میں کتنے خزانے دبا دئے |
| ماحول خوشگوار میسّر رہا مگر |
| ہم نے ہی دل فریب ترانے دبا دئے |
| آئے تھے اس کو ترکِ تعلق کے جو خیال |
| ہر بار اُس نے کر کے بہانے دبا دئے |
| مایوس جب کبھی ہوا اس کے خلوص نے |
| ہمت بڑھا کے پیار سے شانے دبا دئے |
| وہ مسکراہٹوں کے رہے منتظر سدا |
| ہم نے بھی اشک کیسے نہ جانے دبا دئے |
| ہم کو بھی بن سنور کے نکلنے کا شوق تھا |
| ہم مرد تھے تو شوق زنانے دبا دئے |
| جذبوں کے سامنے کبھی ٹھہری بھی ہے خرد |
| طوفاں نے آکے شہر پرانے دبا دئے |
| طارق ہمیں یقین تھا پھل میٹھا ہی ہو گا |
| دل کی زمیں میں صبر کے دانے دبا دئے |
معلومات