| اپنی ہستی کو ایسے سنواروں گا مَیں |
| ایک مشکل سے خود کو گزاروں گا مَیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| لوٹ کر مجھ کو جانا ہے اُس کی طرف |
| اپنے رب کو ہمیشہ پکاروں گا مَیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| بڑھ گئے ہیں اندھیرے زمیں پر بہت |
| روشنی آسماں سے اتاروں گا مَیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| میری غزلیں مہکتی رہیں گی سنو |
| اپنی غزلوں کو اتنا نکھاروں گا مَیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کیوں درختوں کو کاٹوں گا آخر بھلا |
| کس لئے اِن پرندوں کو ماروں گا مَیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اپنے دشمن کا مجھ کو کوئی ڈر نہیں |
| ہے خدا ساتھ پھر کیسے ہاروں گا مَیں |
| مجھ کو مانؔی محبت ہے اِس خاک سے |
| جان و دل اپنی مٹی پہ واروں گا میں |
معلومات