| آئے دن ان سے ملاقات ہوا کرتی تھی |
| فون پر بات بھی دن رات ہوا کرتی تھی |
| اب تو سمجھانے سے بھی بات سمجھتی نہیں وہ |
| آنکھوں ہی آنکھوں میں جو بات ہوا کرتی تھی |
| چلتے چلتے یونہی جہلم کے کنارے بیٹھے |
| ہاتھوں میں ہاتھ لیے رات ہوا کرتی تھی |
| شاید اب اس کا کہیں نام و نشاں باقی نہیں |
| جس کے ہونے سے مری رات ہوا کرتی تھی |
| اب تو اس لڑکی کی یادیں بھی نہیں میرے ساتھ |
| لمحہ لمحہ جو مرے ساتھ ہوا کرتی تھی |
| اب کہیں ملتا ہے تو اجنبی سا لگتا ہے |
| پہلے تو اور ہی کچھ بات ہوا کرتی تھی |
| عالمِ نیستی میں گم میں یہ بھی بھول گیا |
| میں تھا میری بھی کوئی ذات ہوا کرتی تھی |
| گزرے وقتوں میں کسی دنیا کا سورج رہا ہوں |
| کہکشاں میری مرے ساتھ ہوا کرتی تھی |
| میرے گاؤں میں بھی اگتی تھی پریت کی فصل |
| میرے گاؤں میں بھی برسات ہوا کرتی تھی |
| کبھی ان ٹوٹے چھتوں پر بھی نکلتا تھا چاند |
| ہم غریبوں پہ بھی سوغات ہوا کرتی تھی |
معلومات