| کاوشیں جب سرخرو ہونے لگی |
| تو ستائش چار سُو ہونے لگی |
| ساتھ بھی تقدیر کا ملتا گیا |
| "پھر ہماری جستجو ہونے لگی" |
| طنز کرنے والے اپنے دوست ہوں |
| ہاں مگر پاسِ عدو ہونے لگی |
| سجدہ کی تاثیر کے کیا کہنے تب |
| چشم نم کر کے وضو ہونے لگی |
| سورما میدان میں لڑنے سے ہی |
| فن، مہارت دو بدو ہونے لگی |
| شیخیوں سے تو ہزیمت ہو چلی |
| درمیاں، میَں میَں تُو تُو ہونے لگی |
| گر کَہیں ناصؔر کہ تُو ہی بس حسیں |
| شاعری میں کیا غلو ہونے لگی |
معلومات