| روشن انہیں کے دم سے ہرسو ہیں ضوفشاں |
| شمس و قمر ستارے پر نور کہکشاں |
| خونِ جگر سے ان کے ہرسو بہار ہے |
| باغِ جہاں میں رنگت عالم میں شوخیاں |
| غنچوں میں خوشنمائی کلیوں میں رنگ و بو |
| ہے ان کے دم سے اب تک آباد گلستاں |
| ویران ہیں نشیمن گرچہ وہی چمن ہے |
| افسوس شاہِنوں سے خالی ہیں آشیاں |
| نظارہ کر رہے ہیں آنکھوں کو بند کئے |
| احساس مر گیا جب کیا سود کیا زیاں |
| آنکھوں کو کھول کر ہی سوۓ اگر کوئی |
| کیسے اسے جگاۓ ، بے سود ہے اذاں |
| رہبر ہیں آج خود ہی ناآشنا سفر |
| راہوں سے ہٹ گئے ہیں بھولے بھی ہیں نشاں |
| بیدار کردے ان کو آنکھوں کو کھول دے |
| منزل سے آشنا کر راہوں کو کر عیاں |
| محفل ہو یا ہو مقتل وہ شمعِ دل جلا |
| پروانے اس کی جانب آئیں کشاں کشاں |
| عزم و جنوں کا پیکر پیدا ہو بزم میں |
| قدموں میں آگریں گے پھر چرخ و آسماں |
| جو خواب دیکھتے ہیں آنکھوں کو وا کئے |
| ہیں اس کے نوجواں ہی گردو کے ہمزباں |
| جس قوم کے جواں ہوں خالؔد،عمرؔ،علیؔ |
| وہ کیوں گلہ کرے یہ کہ ہیں وہ ناتواں |
| مایوسی بزدلی کو چھوڑو بھی جانے دو |
| اٹھو کرو بھی ہمت ہے دورِ امتحاں |
| پھر کیوں نہ قافلہ ہو پیہم رواں دواں |
| پر جوش نوجواں ہوں سالارِ کارواں |
معلومات