عشقِ اہلِ بیتؑ کو دل میں بسانا چاہیئے |
دل ہے گھر اللّٰه کا اس کو سجانا چاہیئے |
جو علیؑ والے ہیں ان کا دل لبھانا چاہیٸے |
ہاں جو ہیں کم ظرف ان کا دل جلانا چاہیئے |
جس پہ ھو جائے عنایت حیدرِ کرارؑ کی |
اپنی قسمت پر اسے تو مسکرانا چاہیئے |
دل میں گر بُغضِ علیؑ سے درد اُٹھتا ھے تو پھر |
ایسے کافر کو جہنم میں گرانا چاہیئے |
حد سے بڑھتے جا رہے ہیں دشمنانِ اہلبیتؑ |
یا الٰہی ابنِ زہرا (عج) کو اب آنا چاہیئے |
جو مجھے کہتا ہے مولاؑ اس سے کہتے ہیں نبیؐ |
یہ علیؑ ہے اس کو بھی مولاؑ بلانا چاہیئے |
دیکھنا چہرہ علیؑ کا اک عبادت ہے جناب |
آپ کو کہنا نبیؐ کا مان جانا چاہیئے |
ذکرِ حیدرؑ کر رہے ہیں ہم جو سنّت جان کر |
آپ ہیں کس دین پر یہ تو بتانا چاہیئے |
یاد تو ہوگا وہ پالانوں کا منبر آپ کو |
شیخ جی! بچوں کو بھی کچھ توسکھاناچاہیئے |
دین کی تکمیل کی خاطر ضروری ہے بہت |
حکم حیدرؑ کی ولایت کا سنانا چاہیئے |
خم کے میداں میں خدا نے کر دیا یہ فیصلہ |
دل علیؑ کو دو جناں میں گر ٹھکانا چاہیٸے |
شیخ کی نظروں میں عظمیؔ! ہے یہی عشقِ رسولؐ |
دیں صدا گر مصطفیٰؐ تو بھاگ جانا چاہیئے |
عُــــظمیٰ زہــــرا |
معلومات