| حقیقی عاشقِ شاہِ ہدی ﷺصدیقِ اکبر ہیں |
| یقیناً پیشوا و رہنما صدیقِ اکبر ہیں |
| نبیِ پاک ﷺ کے سارے صحابہ میں وہ اعلی ہیں |
| ہاں یارِ مصطفیٰ و مرتضیٰ صدیقِ اکبر ہیں |
| خدائے پاک جس کو اتقی کہہ کر یاد فرمائے |
| وہی سردار ، شاہِ اتقیا صدیقِ اکبر ہیں |
| نبیِ پاک ﷺ جن کو ہر سفر میں ساتھ رکھتے تھے |
| وہ یارِ غار ، محبوبِ خدا ﷺ صدیقِ اکبر ہے |
| نبی پاک ﷺ نے جن کو سدا ہی قرب بخشا ہے |
| وہی یارِ مزارِ مجتبیٰ ﷺ صدیقِ اکبر ہے |
| عمر فاروق جن کی نیکیوں پر رشک کرتے تھے |
| امام المومنین و پارسا صدیقِ اکبر ہے |
| رضا کے نور پر رب کی ہوئی ہے خاص یہ نعمت |
| کہ اس کے حامی و ناصر سدا صدیقِ اکبر ہے |
| سگِ رضا نور علی عطاری رضوی |
| 22 جمادی الآخر 1446ھ (یوم صدیقِ اکبر رضی اللہ عنہ) |
| 25 دسمبر 2024 |
معلومات