| جسکو لٹنا ہے کیوں ویرانہ وہ آباد کریں؟ |
| دل جو ناشاد ہے کیوں اور اسے ناشاد کریں؟ |
| نا سنی جائیں جہاں دل کی صدائیں وہاں پر |
| دستکیں در پہ کیوں ایسے دیں کیوں فریاد کریں؟ |
| ہے جنوں طاری تو بہتر ہے یہی تم بھی میں بھی |
| مل کے جو دنیا سجائی تھی وہ برباد کریں |
| سوچ کے دیکھ زرا کتنی اذیت میں ہوں میں |
| ہے اسیری میں پرندہ کیوں نہ آزاد کریں |
| سب یہ کہتے ہیں وہ احسان فراموش نہیں |
| میں یہ کہتا ہوں کہ مجھ کو نہ کبھی یاد کریں |
| جن سے امید تھی عشیارؔ ترے حق میں کہیں |
| کیا عجب ہے کہ نہ ہر رنگ میں بے داد کریں |
معلومات